تطبيق انستا باى | instapay تطبيق البنك المركزى لتسريع التحويل بين البنوك والمحافظ الالكترونية
تطبيق انستا باى هو تطبيق للتحويلات اللحظية مقدم من خلال شبكة بنوك مصر , التطبيق يتيح لك ربط جميع حساباتك فى البنوك وتقدر تعرف رصيد اى حساب فى اى وقت وكمان تقدر تحول الفلوس من خلال التطبيق ما بين حساباتك او لحسابات الغير او المحافظ الالكترونية والتحويل بيكون بشكل لحظى حتى فى ايام العطلات الرسمية.
 |
| تطبيق انستا باى | InstaPay تطبيق البنك المركزى |
طرق التحويل على تطبيق انستا باى | InstaPay
- تقدر تحول فلوس من حسابك البنكى لاى حساب بنكى اخر .
- تقدر تحول فلوس من حسابك البنكى لاى كارت ميزة .
- تقدر تحول فلوس من حسابك البنكى لاى رقم محفظة الكترونية.
- كمان تقدر تحول الفلوس من حسابك لحساب شخص اخر باستخدام اسم الشخص او رقم التليفون لو كان الشخص مشترك فى التطبيق.
- كمان تقدر تسجل فى التطبيق من خلال كارت ميزة وتحويل الفلوس من الكارت لاى حساب بنكى او محفظة الكترونية او كارت ميزة.
- تقدر تطلب فلوس من اى شخص مشترك على التطبيق من خلال عمل طلب دفع واستخدام اسم الشخص على التطبيق او استخدام رقم الهاتف والشخص هيتبعت لة الطلب وياما يوافق على الدفع او يرفض الدفع .
البنوك المتاحة على تطبيق انستاباى ويمكن التعامل من خلالها
 |
| البنوك المتاحة على تطبيق انستاباى |
اية هو تطبيق انستاباى | InstaPay
تطبيق انستاباى هو انطلاق لخدمة IPN او شبكة المدفوعات اللحظية من البنك المركزى المصرى , وهى خدمة تتيح لك تحويل الاموال من اى مكان وبشكل لحظى طول ايام الاسبوع وحتى فى الاجازات وبعد ساعات العمل الرسمية .
وكمان تقدر تحول لاى حد على حسابة البنكى او محفظتة الالكترونية او كارت ميزة واذا كان الطرف الاخر مشترك فى التطبيق تقدر تحول على حسابه البنكى باستخدام عنوان الدفع اللحظى IPA او رقم الهاتف الخاص بة والتحويل بيكون فى نفس اللحظة وبنظام مشفر وامن .
الفرق مابين خدمة ميزة ديجتل و خدمة IPN للمدفوعات اللحظيه
خدمة ميزة ديجتل اتعملت علشان المستخدمين اللي معندهومش حسابات بنكية وتعاملتهم المالية بتتم عن طريق المحافظ الالكترونية وطبعا المحافظ دى بتكون مسبقة الدفع .
اما خدمة IPN شبكة المدفوعات اللحظية اتعملت علشان المستخدمين اللي بيكون عندهم حسابات فى البنوك واللي من خلالها يقدرو يحولو بشكل مباشر وده يخليهم يقدرو يتحكمو فى التحويلات من والى حسابتهم فى اى وقت واى مكان .
طريقة انشاء حساب انستاباى | InstaPay
- هتحمل التطبيق على الموبايل سواء اندرويد او IOS
- هتفتح التطبيق وتختار انشاء حساب جديد
- هتختار شريحة الموبايل اللي مربوطة على الحساب البنكى
- هتختار البنك بتاعك من قائمة البنوك المتاحة
- وهتكتب رقم الفيزا والرقم السرى الخاص بالـATM للفيزا
- وبعدين هتختار الحساب اللي انت عاوز تضيفه للتطبيق
- التطبيق هيبعتلك رسالة على موبايلك فيها رقم OTG هيجيلك من البنك بتاعك
- هتكتبه وتعمل انت رقم سرى من 6 ارقام علشان هتستخدمة بعد كدة فى تعاملاتك على التطبيق
- تقدر دلوقتى تستخدم التطبيق فى الارسال والاستقبال للاموال بكل سهولة وفى ثوانى
 |
| InstaPay |