جديد

Thndr | ثاندر اول تطبيق مصرى للإستثمار فى البورصة المصرية


 يعتبر تطبيق ثاندر هو اول تطبيق مصرى للإستثمار فى البورصة المصرية من خلال الهاتف المحمول لتتمكن بذالك دخول شريحة كبيرة من المستثمرين الافراد وصغار المتداولين للإستثمار والتداول فى البورصة المصرية .

thndr securities brokerage

بالفعل قد حقق تطبيق Thndr | ثاندر  للتداول فى السوق المصرى  نجاحا باهرا فى خلال عامه الاول وذالك لستهداف التطبيق الشريحة المتوسطة الدخل والسماح للعامة فرصة الدخول لعالم المال والاستثمار فى سوق البورصة المصرية باقل التكاليف واقل رؤس المال .


التطبيق لا يشترط حد ادنى للايداع يمكنك حتى الايداع بواحد جنية فقط ومن اهم الجوانب التى يتيحها تطبيق ثاندر هو الجانب التعليمى والذى يحرص القائمين على التطبيق من خلالة اعطاء الفرصة للفرد العادى لدخول البورصة وتعلم التداول بل والممارسة ايضا فى السوق الفعلى بدون ان يخسر شيىء خلال عملية التعلم ذلك من خلال اعطائك مبلغ ١٠٠ الف جنية فى بيئة سوق افتراضي بنفس بيانات السوق الحقيقى للتعلم والانغماس الفعلى فى السوق قبل الدخول بمالك الحقيقى .


كيفية التسجيل فى تطبيق Thndr | ثاندر 

يمكنك التسجيل فى تطبيق ثاندر للتداول فى البورصة المصرية باستخدام الاميل الشخصى ثم ملئ بياناتك الشخصية بشكل صحيح كما يطلب منك التطبيق اثناء عملية التسجيل عملية التسجيل سهلة جدا بسهولة عمل حساب الفيس بوك .


اكتب اسمك الحقيقى كامل كما فى بطاقة تحقيق الشخصية اكتب عنوانك بشكل صحيح اضف رقم هاتفك المحمول ثم سيطلب منك التطبيق رفع صورة واضحة من اثبات الشخصية وش وظهر ثم سيطلب منك تصوير نفسك فى وضع السيلفى واخذ ٣ صور للوجة فى اوضاع مختلفة مثل تصوير الوجة وانت تنظر الى اليمين و اليسار وصورة وانت مغمط العينين .


بعد الانتهاء ورفع البيانات سيوفق عليها فى خلال ٢٤ ساعة فقط ثم سيطلب منك تحديد موعد لارسال مندوب بعقد الاشتراك فى الشركة والتسجيل فى البورصة المصرية للامضاء الفعلى علية ثم اعطاءه مرة اخرى للمندوب ، ولن تدفع اى رسوم توصيل الشركة تتكفل بكل المصاريف ،، شفت دلع اكتر من كدة 🙂،، .


ايضا يمكنك طلب العقد بشكل الكترونى PDF وتحميلة وطباعتة ثم الامضاء علية ثم اعادة ارسالة بالبريد السريع من اى مكتب بريد قريب منك على عنوان فرع الشركة ، ساقوم بارفاق نسخة من العقد فى الاسفل مع ذكر العنوان الذى سترسل الية العقد مع نسخه من دليل الامضاء ،، ايضا ساضع رابط للتسجيل فى التطبيق من خلالى اذا استفدت من الموضوع قم باستخدام الرابط الخاص بى للتسجيل 🤗 لو عاوذ تشكرنى 😉 .


كيفية الايداع على تطبيق Thndr | ثاندر 

تستطيع الايداع فى ثاندر من خلال عدة طرق منها الايداع المباشر فى حساب الشركة كما فى الصورة المرفقة اسفل .

Deposit methods on Thndr

An example of a direct deposit method on a thndr bank account
طريقة الايداع المباشر على حساب ثاندر الصورة للتوضيح فقط لا تعتمد على البيانات الموجودة بها لانها من الممكن ان تقوم الشركة بتغييرها 


او الافضل وهو من خلال التحويل البنكى يمكنك التحويل الى حساب ثاندر من خلال حسابك البنكى مباشرة وانت فى البيت من خلال خدمة الانترنت البنكى التى اصبح يقدمها اغلب البنوك فى الوقت الحالى ، واذا لم يكن لديك حساب بنكى 🤔 فإذاً حان الوقت ليكون لديك حساب فى البنك ، عادى يعنى الموضوع سهل بل اسهل مما تتخيل وانا انصح ببنك مصر الحد الادنى للحساب هو ١٥٠٠ جنية بس ، والحساب البنكى ضروري لان ثاندر بالفعل لا تشترط عليك الايداع من خلال حساب بنكى فقط وانما يوجد اختيارات متعددة للايداع ولاكن عند عملية السحب لا يوجد طريقة اخرى للسحب غير الى حسابك البنكى على الاقل فى الوقت الحالى ، وعلى فكرة دة احسن واامن ليك لان محدش هيعرف يسحب فلوسك غيرك انت يعنى مفيش مجال للسرقة حتى لو حد سرق تليفونك او عرف باسورد حسابك مش هيعرف يسحب لان السحب مش هيتم غير على حسابك اللى بتعمل الايداع منة ولازم يكون باسمك انت .

بعد اضافة بيانات حسابك البنكى اللي هتبعت منة لشركة ثاندر هتختار تحويل بنكي هيظهر عندك حسابك اللي انت سجلتة هتختارة هيظهرلك بعد كدة البيانات اللى هتبعت ليها الفلوس زى الصور دى كدة .

توضيح كيفية التحويل البنكى لثاندر

An example of deposit method on a thndr bank account

كل اللى عليك بعد كدة هو التاكيد بعد ما تعمل عملية الايداع وهتنزل الفلوس فى حسابك على ثاندر فى خلال يوم الى ٣ ايام زى ما موضح فى الصورة امامك.


ايضا حديثا تم اضافة طريقة الايداع من خلال منافذ فورى بلس وذلك بعد حصول Thndr | ثاندر على موافقة الهيئة العامة للرقابة المالية لمنح مستخدمي ثاندر امكانية تمويل حساباتهم من خلال استخدام فورى .


للايداع من خلال فورى هتختار ، دفع فورى ، من القائمة هيظهلك خانة تكتب فيها المبلغ اللي هتعملة ايداع على حسابك فى ثاندر هتكتب المبلغ وهيظهلك المبلغ + العمولة بتاعت فورى ثم للتاكيد هتعمل ارسال التفاصيل و هيظهلك صفحة تانيه بيكون فيها تفاصيل التاجر على فورى ورقم الدفع وبعض المعلومات اللي هتحتاجها وانت بتعمل الايداع بفورى .

How to make a deposit on Thunder through Fawry
مثال على طريقة الايداع فى ثاندر من خلال شبكة فورى 

How to make a deposit on Thndr through Fawry


هل شركة Thndr | ثاندر امنة هل ممكن تسرق فلوسى 

طبعا من حقق تشكك وتقول لنفسك ممكن اصحى الصبح الاقى شركة ثاندر اختفت من الوجود وخدت فلوسى معاها 🤔  فعلا معاك حق ،، ولاكن شركة ثاندر | Thndr عندها شوية اثباتات كدة كتييير تخليك تتاكد انها لا مش نصابة ومش هينفع انك تصحى فى يوم تلاقيها اختفت ، وحتى لو الشركة اختفت فلوسك برضو مش هتروح لان اصلا فلوسك مش بتكون عند ثاندر وهقولك ازاى .


اولاً الشركة مرخصة من الهيئة العامة للرقابة المالية مما يعنى انها تتبع القواعد التى من شانها حمايتك كمستثمر  .


ثانيا الشركة مسجلة فى البورصة المصرية كشركة سمسرة فى الاوراق المالية المصرية يمكنك التاكد من الشركة على موقع البورصو المصرية الرسمي هنا .


ثالثا ثاندر لديها تعاقد مع امين حفظ وهو البنك الاهلى المتحد ، يعنى ايه بقى امين حفظ لو تتذكر كنت قولتلك ان فلوسك اصلا مش بتكون عند ثاندر يعنى لو ثاندر اختفت فلوسك مش هتروح عليك لانك ببساطة لما بتشترى الاسهم من خلال ثاندر بتقوم شركة ثاندر بعمل شغلها وهو فقط الوساطة بينك وبين شركة مصر للمقاصة وبعد ما يتم شراء الاسهم اللى انت طلبتها الاسهم دى مش بتكون عند ثاندر الاسهم بتكون فى بنك امين الحفظ اللى هو فى حالتنا البنك الاهلى المتحد مصر  يعنى الاسهم بتاعك فى البنك فى حساب اوراق مالية باسمك ولما تجى تبيع الاسهم بتاعك بتدى الامر لثاندر انها تبيع فثاندر بتبعت الامر بتاعك بالبيع لشركة مصر للمقاصة وامين الحفظ وبتنزلك الفلوس على محفظتك فى ثاندر ومن ثم يمكنك اعادة شراء اسهم تانى او تسحب الفلوس لحسابك البنكى الشخصي طبعا كل التفاصيل دى هتلاقيها فى نسخة العقد اللى هسبهولك فى اخر المقال .

 

عنوان تسليم العقد من داخل التطبيق "يمكنك معرفة العنوان من خلال التطبيق او من خلال خدمة الدعم لمعرفة اذا تم تغيير العنواى "

عنوان تسليم العقد لشركة Thndr


العنوان الجديد : 70 أ شارع النهضة - المعادي - القاهرة.


رابط التسجيل فى تطبيق ثاندر | Thndr

تحميل نسخة العقد للامضاء عليها 

تحميل نموزج دليل الامضاء  

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -